Khairullah Khairkhwa, som var Talibans innanriksminister i 1997-98, vart arrestert av pakistansk militær og deretter overlevert til CIA. I 2002 vart han fengsla på marinebasen som USA illegalt okkuperer i Guántanamobukta på Cuba. I 12 år vart han utsett for tortur som professor Martin Seligman hadde pønska ut etter å ha brukt doktor Albert D. Biderman sine eksperiment etter Korea-krigen som førebilete. Slik behandling hadde ikkje til hensikt å hente inn informasjon, men å forme individet sitt åtferdsmønster.
I 2014 vart Khairullah Khairkhwa sloppen fri saman med tre andre internerte – på president Barack Obama sin ordre – i byte mot lauslatinga av sersjant Bowe Bergdahl. Det kom raskt for ein dag at sistnemnde hadde blitt tatt til fange av Taliban under eit forsøk på desertering. Han vart derfor stilt for krigsrett og dømd til fengsel.
Den afghanske presidenten Hamid Karzai hylla fangeutvekslinga som ein fredsgest.
Tidleg i 2021 var Khairullah Khairkhwa ein del av Taliban-delegasjonen under fredsforhandlingane mellom USA og Kina/Russland i Moskva. Der kom han med ei knusande erklæring om at han ville halde fram med jihad heilt til sigeren var sikra.
Den 15. august, 2021, etter at den afghanske presidenten hadde flykta, vart Khairkhwa ein del av Taliban-gruppa som greip presidentsetet i Den islamske republikken i Kabul.
